Katten ryddar fjøra fri for plast
Nusse er ein miljøbevisst katt som er hekta på plast.
Denne artikkelen er eldre enn 1 år gamal. Det betyr at noko av informasjonen kan vere utdatert.
Det er Vestlandsnytt som skriv dette.
Dei var på besøk hos katteeigaren, Martinus Feie. Han kunne fortelje Vestlandsnytt at den knapt to år gamle hokatten brukar tida si på å rydde fjøra fri for søppel.
Nusse tek ansvar. Foto: Martinus Feie
Eigaren fortel at det begynte med at Nusse gjekk etter han då han var nede i fjøra og plukka søppel.
– Men så tok ho saka i eigne labbar, fortel Martinus.
- Les også: Den siste hannen er død
Ryddar plast nesten dagleg
Nusse kjem heim, nesten dagleg og legg ein plastpose utanfor terrassedøra, fortel eigaren til Vestlandsnytt.
Eigaren fortel at det ikkje berre er smårusk katten dreg med seg opp frå fjøra.
– Det største eg har sett ho kome med var ein to meter lang plastbit. Den brukte ho ei god stund på, men etter å ha gått baklengs opp trappa fekk ho den opp til slutt, fortel katteeigaren.
Journalist i Vestlandsnytt, Bjørnar Torvholm Sævik.
- Les også: Ti ting du ikkje visste om hjorten
