Om ei avvikling av pelsdyroppdrettet her til lands rammar produsentane, blir konsekvensane svært små for dei som lagar og sel klede av pels her til lands, skriv Nationen.
mm

Klesbutikkane i Noreg sel i svært liten grad norske pelsprodukt. Rundt 98 prosent av mink- og revepelsane som blir produserte i Noreg, går til eksport.

– Vi kjøper ferdige plagg frå utanlandske leverandørar. Viss vi skal snakke om kor skoen trykkjer i bransjen, så er det at det ikkje er nokon som vil ta over etter oss som driv no. Bransjen er snart borte, seier leiar Morten Ø. Klemp i Pelsinform – Pelsbransjens hovudorganisasjon.

Heller ikkje i Abelia, NHOs foreining for kunnskaps- og teknologibedrifter, blant anna motedesign-bedrifter, er dei opptatt av den varsla avviklinga av pelsdyrnæringa.

– Det er så å seie ingen norske klesprodusentar som bruker pels, så vår bransje kjem ikkje til å merke nokon forskjell, seier Gisle Mardal i Abelia til Nationen.

Høgre, Frp og Venstre har i regjeringsplattforma gått inn for ei styrt avvikling av pelsdyrhaldet i Noreg. Fleire har likevel reagert på dobbeltmoralen i det å forby pelsdyroppdrett, men samtidig tillate import av pelsprodukt.

Regjeringa har likevel ingen planar om å foreslå eit importforbod, stadfestar landbruks- og matminister Jon Georg Dale (Frp) overfor Nationen.

LES OGSÅ

ANNONSE