Saka var først publisert hjå ABC Nyheter
Keaton Jones er eit namn som har gått som ein farsott på nettet dei siste dagane. Mora hans la ut ein video der den elleve år gamle guten fortel at han blir mobba.
No får han støtte av superstjerner som Justin Bieber og Katy Perry.
Mora: – Kvifor mobbar dei?
Keaton: – Dei gjorde narr av nasen min, dei kalte meg stygg og dei sa eg ikkje har nokon vener.
Samtalen fann stad då mora Kimberly Jones måtte hente sonen på skulen etter at han blei trakassert i lunsjpausen. Den amerikanske guten, som går på skule i Knoxville i Tennessee, er uroleg for å ete med dei andre.
Får kjendisskryt
Ifølgje CBS er videoen sett av over 20 millionar på Facebook, og er delt vidare i nyheitsmedium verda over.
Den verdskjende popstjerna Justin Bieber er imponert over guten, og kallar han ein legende.
Avengers-skodespelar Chris Evans spelar «Captain America», og vil ha Keaton med på premieren av den tredje filmen som kjem på kino neste år.
Stay strong, Keaton. Don’t let them make you turn cold. I promise it gets better. While those punks at your school are deciding what kind of people they want to be in this world, how would you and your mom like to come to the Avengers premiere in LA next year? https://t.co/s1QwCQ3toi
— Chris Evans (@ChrisEvans) December 10, 2017
This broke my 💔 today. Please be kind to one another. #standwithkeaton https://t.co/8XBbFmnuc1
— KATY PERRY (@katyperry) December 10, 2017
