Hans (18) blir toppleiar for ein dag
Hans Skogli (18) førte ungdomsbedrifta Shoesaver til topps. No inntek han leiarstolen i Norges Reiarforbund i ein dag.
![](https://framtida.no/wp-content/uploads/2023/09/Framtida-logo-160x160.png)
![info](https://framtida.no/wp-content/themes/framtida/images/info.png)
Denne artikkelen er eldre enn 1 år gamal. Det betyr at noko av informasjonen kan vere utdatert.
I regi av Ungt Entreprenørskap skal tretti unge talent få følge kvar sin toppleiar neste torsdag. Kommunalminister Jan Tore Sanner, NHO-president Arvid Moss, børsdirektør Bente Landsnes og ballettdirektør Ida Lorentzen er blant leiarane som får ein ungdom som skugge denne dagen.
Over 12 000 dreiv ungdoms- og studentbedrift førre skuleår. Prestasjonane som dagleg leiar i ShoeSaver sikra Hans Skogli ein plass blant dei tretti heldige.
– Eg tykte det var utruleg kjekt og lærerikt å driva ungdomsbedrift og å bli valt ut til “Leiar for ein dag” er ei stor æra. Det blir spennande og eg gler meg til å tilbringa dagen med Sturla Henriksen, sier han i ei pressemelding frå Ungt Entreprenørskap.
ShoeSavers har vunne prisar på rekke og rad for deira innsats for å redde fottøyet til landets festivalgjengarar. I mars vart dei kåra til beste ungdomsbedrift i Sogn og Fjordane og i NM var dei blant dei åtte som fekk utmerking av juryen i hovudategorien «Norges beste ungdomsbedrift».
– Skipsfarten er ei innovativ næring og vi er heilt avhengige av å løfte fram nye talent. Då er det ekstra spennende å møte unge som gjennom ungdomsbedriftene sine har turt å utfordre seg sjølv litt ekstra. Erfaringa og kompetansen dei får med seg frå desse prosjekta er gull verdt for næringslivet, sier Sturla Henriksen, administrerende direktør i Norges Reiarforbund, i pressemeldinga.
- LES OGSÅ: Vil gjere deg synleg i mørket