Catalonia nektar å gje seg
Katalanske styresmakter vil kome med ei formell sjølvstendefråsegn om den spanske regjeringa nektar å diskutere saka med dei.
![info](https://framtida.no/wp-content/themes/framtida/images/info.png)
Denne artikkelen er eldre enn 1 år gamal. Det betyr at noko av informasjonen kan vere utdatert.
Den katalanske leiaren Carles Puigdemont sa i dag at det regionale parlamentet i Catalonia ville røysta over ei formell sjølvstendefråsegn frå Spania viss staten heldt fram å nekta å halda samtalar med Catalonia.
“Viss regjeringa held fram å hindra dialog og held fram med undertrykkinga, kan det katalanske parlamentet, viss det vert sett på føremålstenleg, røysta over ei formell sjølvstendefråsegn,” sa Puigdemont i eit offentleg brev(spansk) til den spanske statsministeren Marian Rajoy.
![](https://framtida.no/wp-content/uploads/2017/10/34622396664_b921aad824_k-1024x683.jpg)
Den spanske statsministeren frå høgrepartiet PP, Mariano Rajoy. Foto: EPP/Flickr/CC-lisens.
Puigdemont gjorde brevet offentleg berre minutt før klokka 10.00, fristen han hadde vorte gjeven av den spanske statsministeren Rajoy for å gjere det klart at regionen ikkje ville kome med ei sjølvstendefråsegn frå Spania.
LES OGSÅ: Spørsmålet er – kva no?
Spania svarar laurdag
Sjølv om partiet til Rajoy ikkje har fleirtal i parlamentet åleine, har han førebels fått med seg sentrumspartiet Ciudadanos og det store sosialdemokratiske partiet PSOE på å truge med å setje i verk “artikkel 155” av grunnlova, eller trekkje attende sjølvstyret til Catalonia, om dei ikkje gjer som han seier. Den spanske regjeringa sa at dette vil gjerast på laurdag.
![](https://framtida.no/wp-content/uploads/2017/10/25011538572_b99d350d89_k-1024x682.jpg)
Jordi Cuixart, ein av dei fremste agitatorane for katalansk sjølvstende, vart arrestert av spanske styresmakter. Foto: Òmnium Cultural/Flickr/CC-lisens.
Den siste tida har den spanske staten arrestert mange som var involvert i sjølvstendeavstemninga 1.oktober, no sist to av dei viktigaste talsmennene for sjølvstenderørsla Jordi Sanchez og Jordi Cuixart. Dette har vorte kritisert av Amnesty International.
LES OGSÅ: Catalonia stemte ja til sjølvstende