Valdsamt terroråtak i Somalia
Denne artikkelen er eldre enn 1 år gamal. Det betyr at noko av informasjonen kan vere utdatert.
Bomba gjekk av i ein lastebil midt i ei full handlegate nær regjeringskvartalet i hovudstaden Mogadishu. Ettersom ein full tankbil var rett ved sida av lastebilen då bomba gjekk av, vart eksplosjonen svært valdsam. Det er nær umogleg å identifisere mange av offera, og fleire er gravlagde utan å vere identifisert. Over 300 er daude og minst 300 skadde, melder Hiiran.com.
Our thoughts and prayers are with victims of today’s terrorists’ heinous and barbaric attack to civilians in #Mogadishu.Our thanks and appreciations goes with security forces, emergency services and public for their quick response in helping injured people
— Abdirahman O. Osman (@engyarisow) 14. oktober 2017
Abdirahman Omar Osman, informasjonsministeren i Somalia, er sjokkert over terroråtaket.
Foto: AMISOM/Public Domain.
– Det er ein trist dag. Dette er kor nådelause og brutale dei er, og vi må stå saman mot dei, sa informasjonsministeren Abdirahman Osman. Han kalla angrepa “barbariske” and sa fleire land, først og fremst Tyrkia, Kenya, Djibouti og Etiopia, hadde tilbode medisinsk hjelp. Tyrkia har henta meir enn 50 skadde med luftambulanse til sjukehus i landet.
- LES OGSÅ: Frå tragedie til tragedie
President Mohamed Abdullahi Mohamed gjorde det klart at landet tek tre dagar med offisiell landesorg.
Al-Shabab, ein terrororganisasjon tidlegare nært knytta til al-Qaida, er mistenkt for å stå bak.
Kjelder: The Guardian, al-Jazeera.
- LES OGSÅ: Kristne og muslimar mot al-Shabaab
