Skrifta på veggen i Odda
Mange elevar og kjende forfattarar deltek med eigne twittertekstar ved Litteratursymposiet i Odda.
![](https://framtida.no/wp-content/uploads/2023/09/Framtida-logo-160x160.png)
![info](https://framtida.no/wp-content/themes/framtida/images/info.png)
Denne artikkelen er eldre enn 1 år gamal. Det betyr at noko av informasjonen kan vere utdatert.
Geriljadikt mellom trusene på Cubus
Symposiet har halde på heile veka. Tekstane går i loop på ein vegg ved Smelteverksporten i Odda, og nokre av har lese opp dikta. Dikta er på storleik med ei Twitter-melding.
Prosjektet til Odda ungdomsskole heiter Skrifta på veggen, og har òg dikt frå fleire kjende forfattarar, mellom anna Frode Grytten og Simon Stranger – i tillegg til fem andre skular i Noreg – og ein skule i USA.
Geriljelesing
Elin Eikemo, elev i åttande klasse synes det er kjekt at folk får sjå kor flinke dei er til å skriva dikt og tekst.
Nokre ungdommar frå 8-klassen i Odda har drive med noko som kallast «Geriljalesing» i sentrum. Elevane står på ein kasse og les dikta sine i sentrum av Odda. Elevane synes det er kjekt å vera med på.
Elevane har òg lagt ut lappar i ulike butikkar i byen.
![](https://framtida.no/wp-content/uploads/2017/10/Skjermbilde-2017-10-14-kl.-19.02.40-300x274.png)
– Så du kan risikera å finne små dikt mellom trusene på Cubus, humrar rektor Sven Olaf Brekke.
Ylva H. Gravdal i 8.klasse, fortel korleis klassen har arbeida fram dikta.
– Klassen laga tankekart og skreiv ned kva klassen tenkte kring ordet kapital. Så klipte me orda opp, og la dei i ein kopp. Så trakk me ord me skulle skrive om. Eg trakk ord som pengar og setlar. Eg tenkte på å skriva om fattig og rik. Pengar gjer at det vert forskjell i verda, fortel Ylva.
Nokre av elevane skal og delta saman med forfattarar og lesa dikt under arrangementet U-Bar. Der vert det og musikk av elevar på skulen. Skulen i USA deltek via video med dikt òg.
![](https://framtida.no/wp-content/uploads/2017/10/Skjermbilde-2017-10-14-kl.-19.03.29-1024x442.png)
Brukte Facebook til å skriva dikt
Elevane over 13 år fekk bruka Facebook for å skriva dikta.
– Då opprettar me lukka grupper som elevane publiserer i. Dette gjere me på 9.- og 10.trinn. Der kan elevane trykkje tommel opp på innlegg. 8- klasse har skreve det i Google classroom og delt diktet med læraren, seier rektoren ved skulen.
Elevane i åttande klasse synest det er lettare å skrive kortare tekstar. På lengre tekstar må du tenkja meir og så er det meir å retta, meiner Jone E. Pedersen, medan rektoren ler.
Les intervju med to av diktskrivarane her!
![](https://framtida.no/wp-content/uploads/2017/10/Skjermbilde-2017-10-14-kl.-19.03.59-300x212.png)
Produsentar – ikkje konsumentar
Helt frå starten av Litteratursymposiet har det kome forfattarar rundt på skulane i området og lest. Rektoren ynskte å finna ein måtte slik at elevane vart meir delaktige i symposiet, slik vaks denne ideen fram.
– Eg ville at elevane skulle vera produsentar, ikkje berre konsumentar, På eit bibliotek får berre elevane ta del i ein liten del av symposiet. Under denne veka er det i sentrum det syder og kokar, seier han.
– Me har mange flinke elevar og gode tekstar. Me er éin skule, så me kan ikkje berre løfta fram dei som får gull, sølv og bronse. Me har eit ansvar for å løfta alle fram. Så alle elevane får anten ein tekst eller eit bilete dei har tatt som tolking, med på presentasjonen. Sånn må det vera, seier Brekke.