Årets Bendiksenpris går til Kristiansand-bandet Honningbarna. – Dei representerer noko av det mest vitale og livsglade i musikk-Noreg i dag, meiner juryen.
NPK-NTB
NPK-NTB

Det var artistforeininga GramArt som tysdag kveld delte ut prisen, som er kalla opp etter den døde popnestoren Arne Bendiksen.

–Prisvinnaren i år er kjenneteikna av ein energi, ei speleglede og det kaotisk uføreseielege som gjer at ein kan sjå blaserte 40-åringar kasta seg rundt i moshpiten saman med fresande tenåringar på konsertane deira, skriv juryen i grunngjevinga si.

Honningbarna debuterte i 2010 og har til saman gjeve ut tre album.

Bendiksenprisen er på 100.000 kroner og blei i år delt ut for åttande gong. Tidlegare har mellom andre Karpe Diem, Stein Torleif Bjella og Highasakite vunne prisen. Juryen er sett saman av styret i GramArt.

Oppdatert: torsdag 15. juni 2017 10.43

LES OGSÅ

Kommentarar

ANNONSE