Britiske universitet tilbyr stipend til flyktningar
Toppuniversitet i London tar imot flyktningar som vil studere.
Denne artikkelen er eldre enn 1 år gamal. Det betyr at noko av informasjonen kan vere utdatert.
Gir stipend til flyktningar
Sidan den europeiske flyktningekrisa starta i 2015, har millionar av menneske måtte rømme frå heimane sine. FN estimerer at det er totalt 21,3 millionar flyktningar i verda.
Skulepengar og høge kostnader for hyblar avgrensar kven som får tilgang til undervisning på mange av dei europeiske universiteta.
No har sju flyktningar fått plass i ei ny ordning ved School of Oriental and African Studies, SOAS, i London, melder FNs menneskerettsråd på sine nettsider. Universitetet er rekna for å vere blant dei leiande i Storbritannia.
Saman med 40 andre institusjonar har SOAS sett i verk tiltak for flyktningar og asylsøkjarar, til dømes å stryke studieavgifta eller tilby gratis hyblar og stipend til studentane.
I haust inviterte rektor ved Universitetet i Oslo, Ole Petter Ottersen, til akademisk dugnad for dei norske flyktningane. Målet var å gi flyktningar og asylsøkjarar informasjon om studietilboda i Noreg, og samtidig samle inn lærebøker.
