Astma- og allergiforbundet åtvarar om at barn og ungdom sluttar å bruke astmamedisin for å unngå negativ merksemd etter dopingsakene i idretten.

NPK-NTB
NPK-NTB

– Vi ser ein aukande tendens til at barn og ungdom avstår frå medisineringa si i frykt for å bli stempla som juksemakarar, seier assisterande generalsekretær i Astma- og allergiforbundet Bo Gleditsch til NRK. Han meiner det er skremmande viss dette brer om seg.

– Det har jo vore eit enormt negativt fokus på astmamedisin og idrett, og det er ingen ungdom som vil bli skulda for at «einaste grunnen til at han er god i sporet, er fordi han har astma», seier Gleditsch.

Han meiner barn og unge får med seg meir av mediedebatten enn foreldre likar å tru, og at nyansane har lett for å forsvinne. (©NPK)

LES OGSÅ: 1000 vgs-elevar deler på éi helsesøster!

Oppdatert: onsdag 24. mai 2017 16.13

LES OGSÅ

ANNONSE