Foreslår nikab-forbod i skulen

Framtida
Publisert
Oppdatert 24.05.2017 16:05

info

Denne artikkelen er eldre enn 1 år gamal. Det betyr at noko av informasjonen kan vere utdatert.

Spørsmålet om burka og nikab kom opp igjen i samband med trontaledebatten i Stortinget tysdag. Arbeidarpartiet opna med å leggje fram eit representantforlag om å forby heildekkjande klesplagg på skular, høgskular og universitet.

Ap-leiar Jonas Gahr Støre understreka i sitt innlegg at partiet generelt sett er mot å forby klesplagg, men meiner det nødvendig å unngå å dekkje ansiktet i undervisningssituasjonar.

– Vi foreslår at ein kjem fram til eit hensiktsmessig regelverk som er likt i heile landet, sa Støre, og la til at han håpar Frp finn grunn til å støtte forslaget.

Parlamentarisk leiar Harald Tom Nesvik kunne snart levere eit liknande forslag frå Framstegspartiet. Han påpeikte at partiet helst skulle sett at det blei forbod mot å bruke heildekkjande plagg i det offentlege rom, men at dei må erkjenne at det ikkje er fleirtal for noko slikt.

– Det kan vere fleirtal for at ein har komme eit steg vidare. Det ville glede både meg og Frp om Ap no har snudd, sa Nesvik.