I fjor lanserte Foreningen les! ein nasjonal nynorsk leseaksjon for alle elevane på 7. trinn. No får 15.000 nye elevar same tilbodet.

NPK
NPK

Aksjonen har namnet «Tid for ti» og innheld ein antologi med utdrag frå ti nynorske bøker. Antologien blir i januar sendt ut til elevar på 7. trinn i heile Noreg.

– Kampanjen er med på å auka den språklege sjølvkjensla til nynorskelevar, samtidig som bokmålselevar blir motiverte til å lesa nynorsk via kvalitetslitteratur, meiner Ole I.B. Storø i Foreningen les!

Blant dei ti nynorske bøkene er det i år to nykomarar. Det er Galdersjerna av Asbjørn Rydland og Engel i snøen av Anders Totland.

Foreningen les! meiner Totland representerer ei ny spennande stemme i ungdomslitteraturen og trur boka hans vil vera eit godt utgangspunkt for gode samtalar i klasserommet.

«Tid for ti» inneheld i år utdrag frå desse bøkene:

  • Engel i snøen av Anders Totland
  • Stian og Stine: Motorsykkelmysteriet av Magnhild Bruheim
  • Skammarens dotter av Lene Kaaberbøl
  • Svarte-Mathilde av Tor Arve Røssland
  • Keeper'n til Tunisia av Lars Mæhle
  • Rekrutten av Robert Muchamore. Illustrert av Ian Edginton & John Aggs
  • Fly, Thea! Fly! av Bente Bratlund
  • Veslebror ser deg av Cory Doctorow
  • Kjære søster av Alf Kjetil Walgermo
  • Galdersjerna av Asbjørn Rydland

 

Les også meldinga vår av Engel i snøen: Skal du lesa éi ungdomsbok i år, så bør du lesa denne

Les også intervjuet med forfattar Anders Totland: Ærleg, nakent, og dritseriøst

Får du ikkje nok stoff om nynorsk ungdomslitteratur? Les også: For få nye nynorskbøker for mellomtrinnet, meiner Norsk barnebokinstitutt og Foreningen !les

Oppdatert: onsdag 24. mai 2017 16.12

LES OGSÅ

Kommentarar

ANNONSE