Solberg: – Vi har vore litt naive
Statsministeren meiner vi ikkje har vore flinke nok til å ta kampen mot ekstremisme.
Denne artikkelen er eldre enn 1 år gamal. Det betyr at noko av informasjonen kan vere utdatert.
Noreg har klart å verne om demokratiet etter 22. juli, men har ikkje vore flinke nok til å ta kampen mot ekstremisme, seier statsminister Erna Solberg (H).
Meir demokrati og openheit, men aldri naivitet, var svaret til Noreg etter 22. juli.
– Eg trur vi har klart å stå samla og verna om demokratiet, seier statsminister Erna Solberg til NTB.
Men ho meiner, trass i mange gode tiltak i Kommune-Noreg, at vi ikkje har vore flinke nok til å ta kampen mot ekstremisme.
– Det gjekk litt ut av synshorisonten ei stund etterpå. Og vi har sett meir ekstreme haldningar i samband med migrasjonsbølgja og terror i andre land. I så måte har vi vore litt naive, seier statsministeren. (©NPK)
