Sjekk russebussen gratis

– Vi ønskjer at russen skal ha hyggelege opplevingar i russetida, også i trafikken. Å ha ein russebil eller – buss som er i orden, vil bidra til ei tryggare russetid, og vi er her for å hjelpe, seier senioringeniør Tormod Schau i Statens vegvesen.

Han oppmodar alle som eig russebilar og bussar til å ta turen innom gratiskontrollane, som enkelte stader også er opne på kveldstid. Dersom køyretøyet blir godkjent i kontrollen, får det ein oblat i vindauget og slepp større tekniske kontrollar langs vegane i mai.

LES OGSÅ: «Russebussen får eit ufortent dårleg rykte»