Ap vil anerkjenna Palestina
På landsmøtet til Arbeidarpartiet sa Jonas Gahr Støre at dei vil anerkjenna Palestina om dei kjem i regjering, også utan fredsavtale med Israel.
Denne artikkelen er eldre enn 1 år gamal. Det betyr at noko av informasjonen kan vere utdatert.
Det sa Gahr Støre sjølv frå talarstolen på landsmøtet i dag.
– Om me får regjeringsansvar, opnar me for å anerkjenna ein palestinsk stat, sa Ap-leiaren ifølgje NRK som følgjer landsmøtet.
Han la til at ein fredsavtale mellom Israel og Palestina ikkje må vera på plass før dei anerkjenner Palestina som ein eigen stat. I dag har 135 land anerkjent staten Palestina.
LES OGSÅ: Augevitne på Vestbreidda
Men Israel sin ambassadør, Raphael Schutz, er kritisk.
– Å anerkjenna Palestina som eigen stat no vil vera eit feilgrep som bidreg til å forlenga konflikten, seier Schutz i ein kommentar til NTB.
AUF-leiar Mani Hussaini viser si begeistring på Twitter. Å anerkjenna Palestina som stat er ei sak AUF har jobba for i lengre tid.
Kjære AUFere: tusen takk for innsatsen. Vi har fått gjennomslag. Arbeiderpartiet vil anerkjenne Palestina som stat! #aplm
— Mani Hussaini (@ManiHussaini) 17. april 2015
LES OGSÅ: Ordkrigen om Gaza
