Herifrå kjem mest vindkraft
Norske vindkraftverk sette produksjonsrekord i 2014. Aller mest kom frå Midtfjellet vindpark på Fitjar.
Denne artikkelen er eldre enn 1 år gamal. Det betyr at noko av informasjonen kan vere utdatert.
Fjoråret var eit rekordgodt år for norsk vindkraft, og aller mest kom frå ein liten kommune i vest.
Ifølgje tal frå NVE var det Midtfjellet vindpark på Fitjar som hadde størst produksjon av alle dei norske vindparkane. Det melder Sysla.no.
LES OGSÅ: Produksjonsrekord av vindkraft i fjor
Med sine 44 vindturbinar produserte Midtfjellet, som i 2014 var Noregs største vindpark, 317,3 GWh i 2014. Det er nesten 15 prosent av den totale vindkraftproduksjonen i Noreg i fjor.
Kraftproduksjonen frå kommunen er over seks gonger så høg som forbruket på rundt 50 GWh årlig.
Den samla norske vindkraftproduksjonen i 2014 var på 2,2 terrawatt timer (TWh), noko som tilsvarar 1,5 prosent av totale energiproduksjonen.
