Senterpartiet overraska statsminister Erna Solberg (H) i Stortingets spørjetime med eit brev sendt frå Høgre sentralt til lokale tillitsvalde om kommunereforma.

(NPK-NTB):
(NPK-NTB):

Senterpartiet (Sp) refererte til eit brev som har gått ut frå Høgre sentralt til ordførarar og tillitsvalde rundt om i landet. I brevet står det at dei lokale politikarane bør jobbe mot at det blir gjennomført lokale folkeavstemmingar om kommunesamanslåingar. I brevet heiter det at folkeavstemmingar ofte utartar til «synsing og usakligheter».

LES OGSÅ: Ungdom krev ein ambisiøs statsminister

Partikontoret ber også dei tillitsvalde sette krav om minst 75 prosent valoppslutning og minimum 60 prosent fleirtal for at Høgre-representantane skal lytte til råd frå folket.

– De kallar det ei demokratireform – då er det urovekkjande at det Høgre fryktar mest er folket, sa Sp-leiar Trygve Slagsvold Vedum i spørjetimen og minna samtidig om at valdeltakinga ved lokale val vanlegvis ligg på rundt 64 prosent.

– Det høyrest ut som eit litt spesielt brev frå vårt partikontor med desse krava, svarte statsminister Solberg.

– Men eg lurer på om det kan ha fått inspirasjon frå Sps haldning til folkeavstemmingar om EU-spørsmålet. Eg meiner vi ikkje skal la oss inspirere av Sp på dette punktet, la ho til. (©NPK)

LES OGSÅ: – Slutt med å laga barn og engasjer dykk

Oppdatert: onsdag 24. mai 2017 15.59
ANNONSE