Brit Bildøen frå Aukra har hausta gode kritikkar for romanen «Sju dagar i august», som no er seld til Storbritannia. Foto: Linda Cartridge, Samlaget
Bildøen kjem ut på engelsk
Dei engelske rettane til Brit Bildøens kritikarroste roman «Sju dagar i august» er selde til Seagull Books.
Denne artikkelen er eldre enn 1 år gamal. Det betyr at noko av informasjonen kan vere utdatert.
Brit Bildøen, som nyleg vann P2 lytternes romanpris, fekk svært god mottaking for boka då ho kom ut i august i fjor.
«Sju dagar i august» er den første norske romanen som behandlar 22. juli-tematikken. Handlinga er lagt til ei veke i august åtte år etter terrorangrepa, der Sofie mista dotter si. Saman med ektemannen Otto kjempar mora for å overleva kvardagen.
Bildøen vert rosa for si truverdige og sterke tilnærming til langvarig sorgarbeid; korleis sorgen spelar inn i samlivet og omgjevnadane til ekteparet i boka.
Annonse
