Fekk nobelprisen – kjenner du han?
Nobelprisen i litteratur gjekk i år til Patrick Modiano. Test kor mykje du kan om nobelprisen her!
Denne artikkelen er eldre enn 1 år gamal. Det betyr at noko av informasjonen kan vere utdatert.
Det vart nok eit år der Jon Fosse vart rekna som ein av favorittane til å vinna nobelprisen på førehand, berre for å bli forbigått av ein forfattar mindretalet her heime har høyrd om.
Det vart ikkje nokon nynorsk nobelpris i litteratur i år. Men her har du ei liste over vinnarane av Fridthiov Oos' legat – mellom anna ein av vinnarane av nobelprisen i medisin, Edvard Moser.
LES OGSÅ: Nordmenn vann nobelprisen i medisin
På Twitter reagerte folk flest på at dei ikkje har høyrt om vinnaren Patrick Modiano.
Nobelprisen i litteratur vert delt ut medan komiteen sit med bart og stripete gensrar på bakrommet og humrar. – Har de ikkje høyrt om han?
— Martin Årseth (@MartinArseth) October 9, 2014
Ha'kke hørt om fyren, engang. #nobelprisen
— anne holt (@annekristinholt) October 9, 2014
Not I, despite owning one of his books. I tried, once. RT @Thessaly So who has read Patrick Modiano?
— GregorydJohnsen (@gregorydjohnsen) 9. oktober 2014
Patrick Modiano er rekna som ein av dei viktigaste samtidsforfattarane i Frankrike, og skriv om mellom anna den andre verdskrigen, ungdommar som rømmer heimefrå, frykt for framtida og den første kjærleiken, ifølgje Wikipedia. Ifølgje Aftenposten ga han ut ein roman så seint som i førre veke, med namnet «Pour que tu ne te perdes pas dans le quartier», omsett til «For at du ikkje skal gå deg vill i strøket».
Ifølgje VG er tre av bøkene til Modiano omsett til norsk. «Gater i mørke» (1979), «Ungdomstid» (1982) og «Søndagene i august» (1988). Ingen av desse bøkene er i sal lenger, men ifølgje VG har Cappelen Damm kasta seg rundt og sett i gang arbeidet med å få bøkene i sal igjen.
Om du ikkje kjenner Patrick Modiano så godt, kjenner du kanskje til tidlegare vinnarar av Nobelprisen i litteratur? Kva bok pleier ein til dømes å sei at Knut Hamsun fekk sin pris for?
