Hopp gjerne over frukosten
Dagens viktigaste måltid er kanskje ikkje så viktig likevel.
Denne artikkelen er eldre enn 1 år gamal. Det betyr at noko av informasjonen kan vere utdatert.
New York Times stiller spørsmålet – er frukosten overvurdert?
Nokre studie viser at påstanden om at frukosten er dagens viktigaste måltid kanskje ikkje er like gyldig. Det er ein etablert tanke at frukosten er viktig for å gå ned i vekt. Stabile måltid, næringsstoff gjennom dagen – og andre grunnar du kan lesa om blant anna hos Opplysingskontoret for Meieriprodukt.
LES OGSÅ: Desse smakane må alle kunne
Liten effekt
Ein av studiane New York Times såg på, fekk med 300 friviljuge som ville ned i vekt. Dei delte gruppa i tre – nokre åt som før, nokre fokuserte på å eta frukost, og nokre hoppa over frukosten. 16 veker seinare skulle resultatet målast – og det synte seg at frukosten hadde liten effekt for dei som var med.
LES OGSÅ: Får brødet til å vara lengre
I ei anna studie undersøkte dei slankare friviljuge som vart delt i liknande grupper – og i seks veker målte dei alle endringar i kroppen. Heller ikkje her gjorde frukosten særleg stort utslag.
Basert på desse to studia åleine er det ingen grunn til å bannlysa frukosten i kosthaldet – men kanskje det ikkje er fullt så nøye om du hoppar over dagens "viktigaste" måltid om du er litt seint ute.
LES OGSÅ: Suksess med uperfekt frukt
