Tre vidare til teikneseriefinale
Tre unge talent er vidare i Dei nynorske festspela sin teikneseriekonkurranse.
Denne artikkelen er eldre enn 1 år gamal. Det betyr at noko av informasjonen kan vere utdatert.
– Det var ikkje heilt enkelt for juryen å velje dei beste, men dei kom fram til desse tre, seier kommunikasjonsrådgjevar Laila Walseth Lid og programansvarleg Karine Munch frå Ivar Aasen-tunet.
Den siste tida har dei i samarbeid med hotellet hatt ein teikneseriekonkurranse gåande, der ungdom mellom 16 og 20 år har kunne sende inn bidrag. Teikneserien skulle vere på nynorsk, inspirert av ordtaket «Det vert ingen siger utan strid».
LES OGSÅ: Får nynorskavisene svi?
No har juryen, beståande av musikar Egil Olsen, Bjørn Vatne i Sunnmørsposten og Anders Aanes i Aasen-tunet, kåra dei tre beste seriane.
Kårar vinnar neste fredag
Dei som går vidare til finalen er Karoline Rasmussen frå Ålesund, Ingrid Nordli frå Garnes i Ulstein og Ida Eva Neverdahl frå Bergen.
Alle tre har fått stripene sine på trykk i Sunnmørsposten og ein middag for to på Hotell Ivar Aasen. Vinnaren får i tillegg 5.000 kroner.
LES OGSÅ: Nynorsk stor i operaen
Kven som går av med sigeren vert klart på fredag om ei veke, då det vert finale på Rokken i Volda. Der skal Egil Olsen skal syngje og dele ut prisen.
Finalestripene heng i inngangen til hotell Ivar Aasen.
