Vasskraftverk 600 milliardar mindre verdt
Lågare gass- og kolprisar er hovudårsaka til at norske vasskraftverk i dag er 600 milliardar kroner mindre verdt enn i 2008.
Denne artikkelen er eldre enn 1 år gamal. Det betyr at noko av informasjonen kan vere utdatert.
600 milliardar mindre verdt
– Det er veldig store verdiar som har forsvunne på kort tid, seier seniorkonsulent Marius Holm Rennesund i Thelma Consulting Group til Finansavisen.
Han har saman med kollegaer rekna ut at verdien av vasskraftverka var 1.200 milliardar kroner i toppåret 2008. No er verdien altså halvert.
Ser ein vekk frå enkelte private aktørar, er det norske kommunar og staten som eig dei norske vasskraftanlegga.
– Det er tre hovudårsaker til det store verdifallet: lågare CO2-prisar, fallande prisar på kol og gass og ein endra marknadsbalanse fordi det blir bygd mykje fornybar energi, seier Rennesund. (©NPK)
