Oljefondet har passert 5.000 milliardar
Marknadsverdien på Statens pensjonsfond utland, betre kjent som oljefondet, passerte måndag 5.000 milliardar kroner.
Denne artikkelen er eldre enn 1 år gamal. Det betyr at noko av informasjonen kan vere utdatert.
Har passert 5.000 milliardar
Det skjer 17 år etter at dei første to milliardane frå Finansdepartementet blei skotne inn i 1996.
Marknadsverdien av oljefondet svarar til 818 milliardar dollar. Fondet passerte 2.000 milliardar kroner i oktober 2007 og nådde 3.000 milliardar kroner tre år seinare. 4.000 milliardar kroner blei passert i februar i år, melder Noregs Bank.
Verdien på investeringane i fondet har auka kraftig det siste året, frå 3.816 milliardar kroner ved utgangen av 2012 til 5.000 milliardar kroner i dag.
LES OGSÅ: – Oljeinntektene stuper dei neste åra
Ei endring i kronekursen den siste tida er årsaka til at fondet passerte 5.000 milliardar kroner-grensa raskare enn venta.
Forvaltninga av fondet har skapt store meirverdiar utover overføringane frå Finansdepartementet. Ein tredel av marknadsverdien til fondet per i dag er avkastning på investeringane fondet har gjort.
LES OGSÅ: SSB: – Norske born er lønsame
Marknadsverdien blir bestemt av størrelsen på kapitaltilførselen, avkastninga til fondet og endringar i kronekursen.
Ved utgangen av tredje kvartal 2013 var fondet investert med 63,6 prosent i aksjar, 35,5 prosent i rentepapir og 0,9 prosent i eigedom. (©NPK)
