Norske rotgrønsaker er meir populære enn nokon gong. Vi nordmenn er heilt i verdstoppen i forbruk av rotgrønsaker.

NPK
NPK

I fjor auka salet av kålrot med sju prosent, og det har vore ein solid vekst for norske rotvekstar dei siste åra, viser tal frå Opplysningskontoret for frukt og grønt.

– Den norske produksjonen aukar kvart år, men alt går unna, og vi kunne selt meir, seier produktsjef Espen Gultvedt i Bama. 

– Her i landet har vi i mange generasjonar ete raust med rotgrønsaker. Det er ikkje minst på grunn av naturgitte forhold, fortel informasjonssjef Britt Kåsin i Opplysningskontoret for frukt og grønt. Desse grønsakene veks i kjølig klima, og dei kan lagrast lenge. Dei inngår i den norske tradisjonsmaten, som regel i kokte variantar, eller som stappe.

– No ser vi at unge behandlar rotgrønsakene på både gamle og nye måtar. Tradisjonsmat som pinnekjøtt med kålrotstappe er på frammarsj. Unge liker å bake grønsaker i steikjeomnen, og dei lager purear og supper med stavmiksar, seier Kåsin.

LES OGSÅ: Trendy matauk

Oppdatert: onsdag 24. mai 2017 15.46

LES OGSÅ

Kommentarar

ANNONSE