Kritiske til innføringa av anonym retting
Som første fylke i landet innfører Hordaland ei permanent ordning med anonym retting av tentamenar i den vidaregåande skulen.
Denne artikkelen er eldre enn 1 år gamal. Det betyr at noko av informasjonen kan vere utdatert.
Kritiske til anonym retting
Lærarane Kyrre Grevstad og Ingvil Aarbakke ved Nordahl Grieg vidaregåande skule meiner lærarane no har fått uønska medisin mot eit trynefaktorproblem som ikkje finst.
– Det går gjerne mest utover dei svakaste elevane. Det er dei som får ei god oppleving ved å få tilbakemelding om at «denne gongen har du klart det», seier Aarbakke til NRK.
Som første fylkeskommune i landet valde Hordaland denne veka å gjera dei avsluttande heildagsprøvane anonyme. I vår innførte Rogaland ei prøveordning, men gjekk nyleg vekk frå dette, då det viste seg at anonym retting ikkje hadde nokon effekt.
LES OGSÅ: – Gå til rektor med håplause lærarar
Rektor Linn Holvik på Nordahl Grieg vgs. reagerer kraftig på vedtaket frå fylkeskommunen i Hordaland.
– Lærarane er høgt utdanna akademikarar og følgjer nøye med på forsking. Dei er meir enn høgt nok utdanna til å ta den vurderinga sjølv, meiner ho.
Dan Femoen frå Høgre seier det var viktig å lytta til elevane. Partiet gjekk nyleg til val på meir bruk av anonym retting.
– Det er viktig fordi elevane føler dei får ein objektiv, kvalitetssikra og ikkje minst ein rettferdig karakter. Som ikkje er basert på trynefaktoren som mange opplever, seier Femoen.
LES OGSÅ: – Lei av dårlege råd
Han seier det viktigaste for dei er at elevane vert høyrde.
– Elevorganisasjonen har hatt ei undersøking der 6 av 10 elevar seier at trynefaktoren har hatt innverknad. (©NPK)
Kva synest du om anonym retting av prøvar?
