Tre av fem trur på kjeldesortering

Framtida
Publisert
Oppdatert 24.05.2017 15:05

info

Denne artikkelen er eldre enn 1 år gamal. Det betyr at noko av informasjonen kan vere utdatert.

Nordmenn har tru på kjeldesortering

Det går fram av ei gransking Ipsos MMI har gjennomført.

– For kvar drikkekartong vi resirkulerer, sparer vi miljøet. Gjenvinning av kartongane er mindre energikrevjande enn produksjon av papir frå nytt trevirke, seier Jaana Røine, administrerande direktør i Grønt Punkt Norge i ei pressemelding.

LES OGSÅ: Resirkulerer t-skjorter med nynorsk

150 drikkekartongar kvar
Kvar nordmann kastar 150 drikkekartongar i året. Totalt blir det samla inn over 11.000 tonn drikkekartongar som igjen blir til ny emballasje og avispapir.

Returtala for 2012 viser at 56 prosent av alle drikkekartongar i omløp vert resirkulerte. Det vil seie at det framleis er ein del å hente på at fleire nordmenn skyl, brettar og stappar alle drikkekartongane sine.