Slik vil Høgre innføra karakterar i barneskulen
Denne artikkelen er eldre enn 1 år gamal. Det betyr at noko av informasjonen kan vere utdatert.
Vil gi born karakterar
Høgre har bestemt seg for korleis talkarakterar i barneskulen skal innførast om partiet får makta etter valet.
Partiet vedtok på landsmøtet tidlegare i år at dei vil innføre karakterar i barneskulen i tillegg til skriftlege elevvurderingar. No har skulepolitikarane i Høgre vorte samde om detaljane i denne planen.
– Vi vil ha talkarakterar i norsk og matematikk frå 5. klasse. I 6. og 7. klasse skal dette utvidast med karakterar i engelsk ved større arbeid og i terminoppgjer, seier utdanningspolitisk talskvinne i Høgre, Elisabeth Aspaker, til Dagens Næringsliv.
Målet med å innføre talkarakterar er at elevane ikkje skal få sjokk når dei kjem over på ungdomsskulen og får karakterar i alle fag. OECD har også tilrådd talkarakterar, ifølgje Aspaker.
Innføringa av talkarakterar i 5. klasse vert obligatorisk for alle kommunar om Høgre får det som dei vil. Lærarorganisasjonen ynskjer ikkje talkarakterar i barneskulen, og Venstre røysta ned forslaget på sitt landsmøte i april.
Kva synest du om karakterar i barneskulen?
