Piratpartiet har fått nok underskrifter
Piratpartiet har passert den magiske grensa på 5.000 underskrifter og blir no registrert som eit lovleg parti. Det betyr at partiet er klar for stortingsvalet neste år.
Denne artikkelen er eldre enn 1 år gamal. Det betyr at noko av informasjonen kan vere utdatert.
Nytt parti stiller til val
Piratpartiet kallar seg for eit digitalt-teknologisk parti og ønskjer blant anna å styrkje personvernet og gjere ikkje-kommersiell fildeling gratis. Kampen mot datalagringsdirektivet er også ei hovudsak.
Partiet mangla før helga fire underskrifter på å nå grense i lova på 5.000 underskrifter.
– Ved siste tømming av postboksen kom det inn 261 underskrifter til, seier leiar Geir Aaslid til digi.no.
LES OGSÅ: Piratpartia har stor suksess
Partiet heldt sitt første årsmøte i Oslo i helga, og no startar jobben med å etablere vallister til stortingsvalet.
Piratpartiet vart etablert i Sverige i 2006 av IT-gründeren Richard Falkvinge. Det har to representantar i Europaparlamentet. Partiet har mange medlemmer i Tyskland, der det fekk ein oppslutnad på 2 prosent i 2009-valet. (©NPK)
