Bygdeungdom i vinden
Voss Bygdeungdomslag har aksjonsveke på Voss. Måndag tok veka av i vindtunnelen.


Denne artikkelen er eldre enn 1 år gamal. Det betyr at noko av informasjonen kan vere utdatert.
Kvart år har Noregs Bygdeungdomslag ei aksjonsveke med ekstra mykje aktivitet. Bygdeungdommen på Voss hadde ein «flying start» på veka i vindtunnelen på Tvildemoen.
– Me storkosa oss i vindtunnelen. Alle bortsett frå ein pysete leiar flaug, flirer leiaren i Voss Bygdeungdomslag, Alvhild Pettersen.
Planen vidare for veka er mellom anna ei spekemattevling på Amfi og eksteriørbedømming av sau, før dei avsluttar veka med smalahovefest i Grimshall.
– Det vert ei veke med mykje fart og moro. Me oppmodar alle til å koma å sjå på oss på Amfi på onsdag, då me skal tevla om å laga det mest innbydande spekefatet, seier Pettersen.