Englandsbaserte Man Get Out vant Momentium sin Musikkpris 2012, denne helga sto dei på scena under Sommerfesten på Giske, no er plateinnspeling neste stopp.

Espen André Breivik
Espen André Breivik

Over 60 band og artistar kjempa denne vinteren om å stå igjen som vinnar i den største musikkonkurransen i Møre og Romsdal. På nettet stemte fleire tusen på sin favoritt. I finalerunda kjempa Man Get Out, ålesundsartisten Karl Morris og At Your Leisure frå Molde om førstepremien.

– Vi meldte oss på, men hadde ikkje rekna med at det var vi som skulle vinne, fortel gitarist Lars Henning Fylling frå Langevåg på Sunnmøre. Fylling er den einaste nordmannen i bandet, som ein del av konkurransen må minst ein av medlemmane vere frå området.

Festivalpromotering og plateinnspeling til vinnaren
– Vi er oppteken av å gje lokale artistar moglegheit til ei ordentleg plateinnspeling og gleda av å opptre på ein av landets største musikkfestivalar, fortel Ante Giskeødegård i Momentium, som står bak Sommarfesten på Giske og driv studioet Ocean Sound Recordings.

LES OGSÅ: Malakoff blir dokumentar

Etter Giske-konserten framfor fleire tusen musikkentusiastar var bandmedlemmane svært nøgde.

– Eg har vore på Sommerfesten fleire gongar, no var det kjempekjekt å få stå på scena sjølv, fortel Fylling på ekte sunnmørsdialekt.

– Å gi ut plate var planen vår, premien er difor ei kjempestor hjelpande hand, fortel han og viser til Mikhael Paskalev som vann i 2010.

For første gong i Noreg
Gitaristen og songaren frå Langevåg har vart med i Man Get Out då han i 2009 flytta til Liverpool for å studere musikk ved Liverpool Institute for Performing Arts (LIPA), betre kjend som Paul McCartney-skulen. Her har dei spelt for BBC2 og ein kjent konsert i byen med over ti tusen tilskodarar. Her heime har vi hørt dei på NRK P3 gjennom Urørt.

Engelskmennene, som dei fleste er frå Liverpool, var for første gong i Noreg og på Sunnmøre under Sommerfesten.

– Det er veldig flotte omgivnadar her og folket er fantastiske. Og så er det ikkje så dyrt her som vi frykta, ler Lloyd Ellenberg.

LES OGSÅ: Noregs mest eksklusive festival?

Draumen er å leve av musikken
– Det blir veldig bra med plateinnspeling, så får vi sjå kva som skjer vidare. Interessa vår er stor for å turnere i Noreg, fortel han etter all den lokale oppmerksamheita.

Ynskjer dykk å leve av å lage musikk?

– Sjølvsagt er det draumen, avsluttar Lars Henning Fylling.

Les siste musikknytt her!

Oppdatert: onsdag 24. mai 2017 15.38

LES OGSÅ

Kommentarar

ANNONSE