– Fleire unge menn bør teste seg
Denne artikkelen er eldre enn 1 år gamal. Det betyr at noko av informasjonen kan vere utdatert.
– Fleire unge bør teste seg
Det er særleg unge menn som vert oppmoda om å ta ein test, skriv Folkehelseinstituttet på nettstaden sin.
Klamydia er i dag den mest vanlege seksuelt overførbare bakterielle infeksjonen i Noreg. Sju av ti som fekk diagnostisert klamydia i 2011 var under 25 år, og 61 prosent av dei diagnostiserte var kvinner.
LES OGSÅ: Fleire yngre sex-debuterer
– Dei siste fem åra har det vore ein nedgang i talet på tilfelle i aldersgruppa 15– 19 år, medan det i same periode har vore ein tilsvarande auke i aldersgruppa 20– 24 år. Denne utviklinga er mest tydeleg hos kvinner, seier seniorrådgjevar Hilde Kløvstad ved Folkehelseinstituttet.
Kløvstad seier tala i stor grad speglar kven som vel å teste seg, og ikkje nødvendigvis den reelle fordelinga av klamydia i befolkninga. Det reelle talet smitta i befolkninga er derfor ikkje kjent.
LES OGSÅ: Gratis prevensjon til unge kvinner
Fordi sjukdomen er utan symptom i 60– 80 prosent av tilfella, er han lett å oversjå. Ubehandla kan klamydia i enkelte tilfelle gi komplikasjonar både hos menn og kvinner, til dømes problem med å bli gravid, opplyser Kløvstad.
Klamydia kan enkelt behandlast med antibiotika. (©NPK)