Nordisk pris for barne- og ungdomslitteratur

Føreslår ny nordisk pris

Ministrane startar ein dialog med Nordisk råd om korleis prisen kan realiserast.

Kulturministrene frå dei fem nordiske landa vil styrkje samarbeidet om barne- og ungdomskulturen. Ministrane har gitt brei politisk støtte til å opprette ein heilt ny, nordisk pris for barne- og ungdomslitteratur.

– Vi har ein lang og flott tradisjon for barne- og ungdomslitteratur i Norden, og han held høgt nivå. Det er derfor svært positivt at dei nordiske kollegaene mine og eg no er blitt samde om å ta initiativ til å opprette ein nordisk pris for nettopp denne litteraturen, seier kulturminister Anniken Huitfeldt. (©NPK)