Vann med nynorsk motemagasin
Puella Magasin stakk av med den gjevaste prisen på fylkesmessa for ungdomsbedrifter.
Denne artikkelen er eldre enn 1 år gamal. Det betyr at noko av informasjonen kan vere utdatert.
Saman med Trimigrering UB frå Flora vidaregåande skule skal Puella Magasin UB representera Sogn og Fjordane på NM for ungdomsbedrifter i mai.
Det er klart etter fylkesmessa i Førde torsdag.
– Rimeleg mote
Ungdomsbedrifta Puella Magasin, som består av Emilie Risnes Øyre, Anja Helen Kandal, Monica Flatland og Gudrun Ness har gitt ut sitt eige motemagasin på nynorsk. Magasinet har søkjelys på rimeleg mote og skal visa at moteklede nødvendigvis ikkje treng å vera dyre.
Med fargerike bilder, lekkert design og gode motetips var dei ein klar vinnar i klassen "Beste ungdomsbedrift", melder Ungt entreprenørskap Sogn og Fjordane. Bedrifta tok med seg fleire prisar under fylkesmessa
Mediebedrifter
Også dei to ungdomsbedriftene frå medielina ved Sogndal vidaregåande skule sanka prisar på messa. Heile tre første- og to andrepremiar vart det til skulen.
Mediakompaniet UB vann kategoriane "Beste Marknadsføringstiltak" og "Beste HR-verksemd". Kreativ Media UB vann klassen "Beste Teneste". Mediakompaniet kom dessutan på 2. plass i konkurransen "Beste ungdomsbedrift" og 2. plass i klassen "Beste Rekneskap".
Dei to verksemdene på har jobba tett i lag med mange prosjekt, og produkta dei leverer er mellom anna nett-tv, foto, websider og logodesign. Dei to verksemdene vekte oppsikt på messa med eit fullt rigga streamingoppsett med tre kamera mellom dei to standene sine.
LES OGSÅ: Vil vise deg billegg mote
Fredag opplyser Ungt Entreprenørskap at Mediakompaniet UB er vortne nominerte til NM i klassen "Beste marknadsføring". Det vil seia at dei ved god dokumentasjon, i konkurranse med bedrifter frå heile landet, kan kvalifisera seg til deltaking i NM.
Nerk SB frå Høgskulen i Sogn og Fjordane vart kåra til beste studentbedrift.
Åshild Kjelsnes opna fylkesmessa, og fylkesvaraordførar Jenny Følling var ein av dommarane som deltok.
LES OGSÅ: Lagar moteklede av mjølk
Prisvinnarar på fylkesmessa 2012
Beste ungdomsbedrift
1. plass : Puella Magasin UB, Luster vgs
2. plass : Mediakompaniet UB, Sogndal vgs
3. plass : Trimigrering UB, Flora vgs
Beste studentbedrift
1. plass : Nerk SB, Høgskulen i Sogn og Fjordane
Beste sosiale entreprenørskapsprosjekt
1. plass : Trimigrering UB, Flora vgs
Beste innovative produkt
1. plass : Datatech UB, Øyrane vgs
2. plass : Puella Magasin UB, Luster vgs
Beste produkt
1. plass : Mo foredling UB, Mo og Jølster vgs
2. plass : Blue Cloud Computing UB, Øyrane vgs
3. plass : Kyst UB, Måløy vgs
Beste teneste
1. plass : Kreativ Media UB, Sogndal vgs
2. plass : Havsmak UB, Måløy vgs
Beste rekneskap
1. plass : Mico Media UB, Mo og Jølster vgs
2. plass : Mediakompaniet UB, Sogndal vgs
Beste utstilling
1. plass : Kyst UB, Måløy vgs
Beste internasjonale prosjekt
1.plass : Prosjekt Malawi UB, Flora vgs
Beste produktdesign
1. plass : Puella Magasin UB, Luster vgs
2. plass : Klæsj! UB, Mo og Jølster vgs
Beste marknadsføringstiltak
1. plass : Mediakompaniet UB, Sogndal vgs
2. plass : Mico Media UB, Mo og Jølster vgs
3. plass : Klæsj! UB, Mo og Jølster vgs
Beste HR (Human Relations) bedrift
1. plass : Mediakompaniet UB, Sogndal vgs
