Krev lågkarbo på SFO
I Sande i Vestfold ønskjer fleire at barna får lågkarbomat på SFO.
Denne artikkelen er eldre enn 1 år gamal. Det betyr at noko av informasjonen kan vere utdatert.
– Det er uaktuelt. Barn skal ha eit variert kosthald, ikkje drikka baconfeitt, seier Amund Sørum, fagkoordinator for SFO i kommunen til Drammens Tidende.
Klinisk ernæringsfysiolog Vibeke Landaas ved Rikshospitalet er skeptisk til å gje barn eit karbohydratfattig kosthald. Ho strekar under at barn må ha karbohydrat for å læra og falda seg ut fysisk.
– Det er supert å redusera inntaket av den næringstomme maten som inneheld mykje sukker og kvitt mjøl. Men barn er i kontinuerleg aktivitet og vekst. Dei treng glukose, som er hovudkomponenten i karbohydrat, seier ho.
Ernæringsterapeut Siv Hauge er ikkje einig.
– Alle born bør ete heil, rein og naturleg mat som lågkarbokosthaldet skal bestå av. Eg går så langt som å seie at lettmat, posemat med dårleg fett og lite næring og mat stappet med kunstige stoff er omsorgssvikt av barn. Barn med overvekt, diabetes og kroniske lidingar har skote i været og vi må ta grep.
Ho seier vidare at det ikkje ikke er snakk om å fjerne alle karbohydrat og erstatte dei med metta fett. Det er snakk om å fjerne kvitt mel og sukker, og å redusere inntaket av næringstom mat som kvit ris og pasta.
