Aarebrot oppmodar til boikott av e-val
Professor Frank Aarebrot meiner forsøket med e-val bryt med prinsippet om hemmeleg val.
![](https://framtida.no/wp-content/uploads/2023/09/Framtida-logo-160x160.png)
![info](https://framtida.no/wp-content/themes/framtida/images/info.png)
Denne artikkelen er eldre enn 1 år gamal. Det betyr at noko av informasjonen kan vere utdatert.
Han oppmodar difor veljarane om å boikotte forsøket med e-val.
– Hemmelege val er ein rett for borgarane og ei plikt for staten å ta vare på. Ved elektronisk røysting held ikkje staten denne lovnaden, seier Aarebrot til NRK.
Han viser til at prinsippet om hemmelege val er felt ned i menneskerettserklæringa til FN.
– Dersom Noreg av omsyn til geografi eller teknologi ønskjer å setje dette prinsippet til side, bør me heller ta initiativ til å få endra menneskerettserklæringa, meiner han.
Kommunalminister Liv Signe Navarsete (Sp) meiner prinsippet om hemmeleg val blir teken vare på.
– Veljarane kan gi frå seg si stemme fleire gonger og seinast i stemmelokalet på valdagen, seier ho.
Ho meiner me må våge å gjere slike forsøk for å få fleire til å ta del i val og trur internettval seinare blir det vanlege. (©NPK)