Skårar best i Sogn og Fjordane

Best i Sogn og Fjordane

Oslo kjem på andreplass, medan Hordaland og Akershus deler tredjeplassen når det gjeld best snittkarakterar frå avgangselevane i i grunnskulen i vår. Østfold, Hedmark, Oppland, Telemark og Finnmark har gjennomsnittlege standpunktkarakterar under landsgjennomsnittet i dei fleste av faga.

Samanlikna med dei gjennomsnittlege standpunktkarakterane til fylka for 2008-2009 er det lite endring til 2009-2010. Dei få faga kor fylkessnittet har endra seg meir enn 0,2 karakterpoeng omfattar små fag slik som framandspråk og fordjuping i norsk og engelsk. Forutan desse faga har standpunktkarakteren i matematikk i Aust-Agder og i religion, livssyn og etikk i Finnmark auka med 0,3 karakterpoeng samanlikna med 2008-2009.

Det er òg i framandspråk og fordjuping i norsk og engelsk at ein finn høgast variasjon mellom fylka i standpunktkarakteren i skuleåret 2009-2010.

Betre i standpunkt enn på eksamen
Det er ein gjennomgåande tendens at standpunktkarakterane i gjennomsnitt er høgare enn til skriftleg eksamen. For dei nasjonale tala er det størst skilnad mellom standpunkt og eksamen i matematikk.

Differansane mellom standpunkt og skriftleg eksamen, i favør av standpunkt, er høvesvis 0 karakterpoeng for engelsk, 0,3 for norsk, og 0,4 for matematikk, melder Utdanningsdirektoratet.