Unge får hjelp til å styra økonomien
Med verktøyet «Sjef i eige liv» kan ungdom lage eit eige budsjett og undersøkje framtidsmoglegheitene for eigen bustad.
Denne artikkelen er eldre enn 1 år gamal. Det betyr at noko av informasjonen kan vere utdatert.
I eit samarbeid mellom Finansnæringens fellesorganisasjon, Husbanken og Nav blei den digitale læringssimulatoren introdusert tysdag.
Kommunal- og regionalminister Liv Signe Navarsete trykte på startknappen for simulatoren, og skildra det nye verktøyet for yngre bustadsøkjande som eitt av fleire viktige tiltak.
– Vi veit at det er 6.000 bustadlause og mange av dei er i alderen 18 til 24 år. Dette blir eit nyttig verktøy som viser kor viktig det er for ungdom å spare pengar tidleg i livet, seier Navarsete.
Simulatoren viser samanhengen mellom inntekt, forbruk og sparing. Den gir eit bilete av konsekvensane ved ulike økonomiske val. (©NPK)
LES OGSÅ: Har ikkje peiling på økonomi
