Klimaendringane pressar fisken nordover
Klimaendringane har gitt store fiskeartar som torsk betre leveforhold i det nordlege Barentshavet, men arktiske artar taklar ikkje høgare temperaturar like godt, viser ein ny studie.
Denne artikkelen er eldre enn 1 år gamal. Det betyr at noko av informasjonen kan vere utdatert.
Fisken blir pressa nordover
Forskarar ved Havforskingsinstituttet og Universitetet i Tromsø har saman med russiske forskarar undersøkt leveforholda for fisk i Barentshavet i perioden 2004 til 2012.
I denne perioden auka botntemperaturen i området med nesten 1 grad, noko som har ført store fiskeartar som torsk og hyse nordover raskare enn anteke, skriv to av forskarane i ein kronikk i Aftenposten.
LES OGSÅ: Vi veit for lite om arktiske fisk
FNs klimapanel anslo i 2014 at marine fiskeartar, altså fisk som lever i havet, flyttar seg med omtrent 40 kilometer kvart tiår. Ifølgje forskarane flyttar fisken i Barentshavet seg opp til fire gonger så raskt.
For dei store fiskeartane har mattilgangen i det nordlege Barentshavet blitt betre, medan dei mindre arktiske artane har fått meir konkurranse om maten.
– Det er venta at dette kan gje seg utslag i at nokre arktiske fiskeartar, som for eksempel polarringbuk, forsvinn frå dei nordlegaste områda våre, skriv forskarane.
Studien vart publisert i Nature Climate Changedenne veka. (©NPK)
LES OGSÅ: Folk er meir uroa over klimaet
