Gruveprotest førte ikkje fram

Framtida
Publisert
Oppdatert 24.05.2017 16:05

info

Denne artikkelen er eldre enn 1 år gamal. Det betyr at noko av informasjonen kan vere utdatert.

– Miljøverknadene av gruveverksemda er grundig undersøkte og vert vurderte som miljømessig akseptable, seier klima- og miljøminister Vidar Helgesen (H).

Natur og Ungdom, Naturvernforbundet, Vevring og Førdefjorden Miljøgruppe og Norske Lakseelver klaga på vedtaket om å gi løyve til lage eit sjødeponi i Førdefjorden.

Klagene blei ikkje tatt til følgje i statsråd fredag, med unntak av ei mindre endring i vilkåra for løyvet, for å auke kunnskapen om tidspunktet for utvandringa til laksesmolten.

Det planlagte mineralprosjektet omhandlar utvinning av rutil frå Engebøfjellet i Naustdal kommune. Med eit uttak på 6– 10 millionar tonn malm årleg, vil førekomsten vare i opptil 50 år.

Gruveverksemda vil gi store mengder avgangsmassar, som i hovudsak er planlagt deponerte i ytre del av Førdefjorden. (©NPK)