Har hoppa utfor Trolltunga fire millionar gongar
Den populære turistattraksjonen i Odda har no fått besøk av den amerikanske presidenten, Donald Trump. Sjå han hoppe utfor, igjen og igjen.
Denne artikkelen er eldre enn 1 år gamal. Det betyr at noko av informasjonen kan vere utdatert.
På nettstaden Push Trump Off a Cliff Again kan du få den amerikanske presidenten til å hoppe utfor Trolltunga.
Nettstaden er eit spel der du kontrollerer Trump, og får han til å bevege seg att og fram, eller springe og hoppe.
Det er fire scenario på nettstaden. Donald Trump kan hoppe uti ein vulkan, falle ned i eit kumlokk i New York, bli eten av ein dinosaur i jungelen, eller hoppe utfor Trolltunga.
I skrivande stund har folk fått Trump uti fare 4,2 millionar gongar.
Den amerikanske standup-komikaren Rosie O’Donnell har krangla med Donald Trump i eit tiår, sidan då han leidde Miss America-konkurransen. Den gongen kalla Trump henne for ein «verkeleg tapar» og «ei dame utan kontroll».
Ho provoserte mange konservative politikarar då ho delte Push Trump Off a Cliff Again på Twitter, til sin over éin million store følgjarskare.
Push Trump Off A Cliff Again https://t.co/YguB3aG8EP
— ROSIE (@Rosie) July 15, 2017
Kan me håpe på ei utviding, med Trump på Trollpikken?
