Snart kan du bu på Brann Stadion
Studentane i Bergen kan no få høve til å bu på Brann Stadion.
Denne artikkelen er eldre enn 1 år gamal. Det betyr at noko av informasjonen kan vere utdatert.
Sportsklubben Brann samarbeider med Studentsamskipnaden i Bergen om å riva ein tribune og byggja mellom 250 og 300 leilegheiter i den nye.
Studentsamskipnaden er nøgd med plasseringa nært høgskulen og bybana, skriv Bergens Tidende. Brann held no på å rekna ut kva det vil kosta å byggja.
– Me ønskjer enkelt og greitt så mange studentbustader som mogleg, seier direktør Per Kristian Knutsen i studentsamskipnaden.
Bygginga vil gje Brann ein ny og meir moderne tribune, i tillegg til økonomisk vinst, og Studentsamskipnaden får fleire bustader. Brann har alt hatt eitt møte med kommunen, og handsamingstida i kommunen er avgjerande for kor lang tid bygginga vil ta. Planane ligg innanfor den gjeldande reguleringsplanen. (©NPK)
