Knallopning for «Amerikareisa»
Denne artikkelen er eldre enn 1 år gamal. Det betyr at noko av informasjonen kan vere utdatert.
Magnar og Oddny Kleiva frå Naustdal i Sogn og Fjordane måtte sjå seg slått av James Bond den første helga med «Søsken til evig tid – Amerikareisa» på kino.
LES OGSÅ: Søsken vann amerikanske filmhjarte
Bak Bond
Etter 80 framsyningar har 7.528 sett oppfølgjaren av suksessen «Søsken til evig tid» for to år sidan, fortel filmbladet Rushprint.
Berre James Bond-filmen «Spectre» og dei norske familiefilmane «Julekongen» og «Dr. Proktors tidsbadekar» var betre besøkt denne helga.
– Det er berre min andre kinofilm, så samanlikningsgrunnlaget er så som så. Men vi har hatt ei god kjensle, ikkje minst på grunn av all responsen i sosiale medium, seier regissør Frode Fimland, som sjølv er frå Naustdal. (©NPK)
LES OGSÅ: Søskenfilm er for populær
