Her er dei billegaste kommunane

Har lågast avgift i Noreg

– For tredje år på rad er Sola den billegaste kommunen å bu i, medan Gjemnes er meir enn fire gonger så dyr. Det skil 16297 kronar mellom Sola og Gjemnes – det er mykje pengar. Det er viktig å påpeika at heile 6600 kroner utgjer eigedomsskatt i Gjemnes, seier Reid Krohn-Pettersen, sjeføkonom i Norsk Familieøkonomi i ei pressemelding.

Normalt har dei største byane lege svært godt blant dei billegaste kommunane. Men etter at Trondheim har auka eigedomsskatten, fell dei på rangeringa av billege og dyre kommunar.

Tala frå Kostra, som er sett i system av Statistisk Sentralbyrå rapporterer frå kvar enkelt kommune og er talet til fjoråret – i samsvar med rekneskapen til kommunane. Desse vert offentleggjort kvart år 15. juni.

– Det er godt å sjå at tre av dei fire største byane er blant dei 33 billegaste, og det inkludert Stavanger som faktisk har eigedomsskatt. Men slik skal det vel vera, at sentrale strøk har «billegare» infrastruktur, kort avstand mellom hushalda og dermed kort avstand mellom søppelbøttene i kommunen, avsluttar Krohn-Pettersen.

Fleire med eigedomsskatt
Talet på kommunar som krev inn eigedomsskatt for hus og hytter har auka med 48 sidan Høgre og Framstegspartiet overtok regjeringsmakta, og 250 av 428 kommunar her i landet har no eigedomsskatt, skriv Aftenposten.

Siv Jensen erkjenner overfor avisa at talet på har auka sidan ho vart finansminister, men ho meiner at det ikkje burde vere nødvendig at kommunane krev inn eigedomsskatt. Ho viser til at regjeringa har sikra kommunane høgare inntekter dei to siste åra enn dei hadde i 2013.

Under ser du summen av avgifter i dei forskjellige kommunane: