Trur han må halda søndagsope
Spar-kjøpmann Petter Mortveit trur at konkurranseomsyn vil avgjere om han blir nøydd å halda ope på søndagar allereie neste sommar.
Denne artikkelen er eldre enn 1 år gamal. Det betyr at noko av informasjonen kan vere utdatert.
Fryktar press for å halda ope
Saka var først publisert i Tysvær Bygdeblad.
– Kjeda har uttalt at me er imot søndagsopne butikkar, og det støtter eg. Men no kjem det også an på kva regjeringa går for, blir det opp til kjøpmennene, at me får velje sjølve, så kjem eg til å vurdere kva konkurrentane gjer, før eg tar ei avgjerd.
– Betyr det at du eigentleg ønskjer søndagsopne butikkar?
– Nei. Får eg velje så seier eg nei, i utgangspunktet. Men som sagt, så må me ta omsyn til det butikkane rundt oss gjer. Om Coop som kjem rett over gata går for å halde ope, så kan det vere vanskeleg for oss å la vere, fortel Petter Mortveit.
LES OGSÅ: Fryktar søndagsopne butikkar vil svekkje distrikta
Tysvær imot
Regjeringa har som kjent lagt ut forslag om å endre lova, og ha søndagsopne butikkar landet over. Forslaget er no ute på høyring, og kommunane kan uttale seg om to ulike modellar som Kulturdepartementet legg fram til vurdering:
– Den eine er regjeringa sin føretrekte modell, der det blir tatt ei nasjonal avgjerd om å opne for søndagshandel. På særskilte heilagdagar og på høgtidsdagane 1. og 17. mai skal butikkar som hovudregel framleis vere stengt. Til saman er dette tolv dagar.
– Den andre er Venstre sitt forslag, som gjer at kommunane sjølve kan velje fritt når butikkane skal kunne halde ope. Det føreutsett at dette ikkje skal kunne medføre innstramming – samanlikna med dagens situasjon.
LES OGSÅ:Søndagsope kan bli miljøbombe
