Slutt for bokbåten i Sogn og Fjordane
Fylkestinget i Sogn og Fjordane har vedteke å avvikla ordninga med bokbåten Epos i fylket.
Denne artikkelen er eldre enn 1 år gamal. Det betyr at noko av informasjonen kan vere utdatert.
Slutt for bokbåten
Framtida til båten har vore oppe i fleire politiske forum den siste tida. Under fylkestinget onsdag blei det endeleg bestemt å leggja ned tilbodet. Grunnen er at Sogn og Fjordane må kutta nærmare 120 millionar kroner i budsjettet neste år.
LES OGSÅ: Facebook-aksjon for å redda bokbåten
Sparer 1,3 millionar
Under fylkestinget onsdag var det berre Venstre og Frp som røysta for å halda fram drifta av bokbåten, fortel NRK.
Men for mange politikarar var det ei tung avgjerd å ta, fortel kanalen.
– Dette har vore ei sak med tårer og krokodilletårer, sa Trude Brosvik (KrF), som har vore ein av forkjemparane for at bokbåten skulle få leva vidare i fylket.
Nedlegginga gjer at fylkeskommunen sparer 1,3 millionar kroner. Bokbåten har vore eit samarbeidsprosjekt mellom Hordaland, Møre og Romsdal og Sogn og Fjordane.
LES OGSÅ: Tre bloggande bibliotekarar
