KrF vil ha 15-årsgrense i sosiale medium

Brukarar må stadfeste alderen sin med MinID, BankID eller tilsvarande, ifølgje vedtaket som vart gjort på landsmøtet til Kristeleg Folkeparti fredag.

Vedtaket set aldersgrensa eit år lågare enn innstillinga, som ville ha henne på 16 år.

– Halvparten av alle niåringar er i dag i sosiale medium. Foreldre treng verktøy for å seie nei. Dette handlar om å verne barna våre, seier partileiar Dag-Inge Ulstein.

KrF vil også forby at personopplysningane til barn blir brukte til å tilpasse innhald og reklame.