Oppvaskmøte om Ulstein i Sykkylven
Varaordførar Olav Harald Ulstein skal i dag i møte med ordføraren i Sykkylven, som ikkje likar at Ulstein brukte karakteristikkar som "ynkeleg" og "motbydeleg" om andre Farmen-deltakarar.
Denne artikkelen er eldre enn 1 år gamal. Det betyr at noko av informasjonen kan vere utdatert.
Varaordførar inn på teppet
Ulsteinætlingen Olav Harald Ulstein er tilbake i Sykkylven etter opphaldet sitt i Farmen. No er han klar for vervet som varaordførar (Framstegspartiet).
Men ifølgje VG har ordførar Petter Lyshol fått hundrevis av reaksjonar frå folk frå heile landet på at varaordføraren i kommunen kunne oppføre seg som han gjorde i Farmen. Det resulterte i at ordføraren gjekk ut i media og tok avstand frå sin eigen varaordførar.
LES OGSÅ: – Eg er den sprøaste deltakaren
– Det er ikkje fine tibakemeldingar vi har fått, og det har vore hundrevis av dei, sa ordføraren til VG.
Men Olav Harald Ulstein har fått andre reaksjonar:
– Eg har snakka med mange her i heimbygda mi i dag som reagerer på måten ordføraren har ordlagt seg på, men eg vil ikkje seie meir om denne sake før eg får høyre kva han har sagt, seier Harald Olav Ulstein.
Også dottera til Ulstein har engasjert seg. Ho er ikkje nådig om ordførar Petter Lyshol sin påstand om at Ulstein skader omdømmet til Sykkylven kommune.
