Månadens beste bilde

Donald Trump vart sverga inn som den 47. presidenten av USA, måndag 20. januar. Melania Trump haldt bibelen. | Foto: AP Photo/Morry Gash, Pool

Deltakarar i den internasjonale månenyttårsfeiringa i Hong Kong, 29. januar. Dette året er treslangens år. | Foto: AP Photo/Chan Long Hei

Et nygift par frå LHBTQ+-miljøet går på regnbogeløpar i Bangkok i Thailand 23. januar 2025. Den første dagen ekteskapslova som gjorde det lov å gifte seg på lik linje som heterofile par, tredde i kraft. | Foto: AP Photo/Sakchai Lalit

Brannmannskap kjempar mot the Kenneth Fire i Los Angeles, torsdag 09. januar. Skogbrannane i Los Angeles har svidd av over 38 000 mål land, øydelagt 10 000 bygningar og kosta 27 menneskeliv. Elden spreidde seg raskt, og over 170 000 menneske måtte evakuere. | Foto: AP Photo/Ethan Swope

Maha Kumbh Mela er verdas største religiøse samling, der om lag 400 millionar hinduistiske pilegrimar samlast i den indiske byen Prayagraj for å ta eit heilagt bad i samløpet av elvene Ganges, Yamuna og den mytiske Saraswati. Festivalen, som blir halden kvart tolvte år, har djupe røter i hinduistisk mytologi og symboliserer reinsing av synd og åndeleg frigjering. Her ser du Naga Sadhus, det dei heilage menna kallar seg, bade i Ganges-elva, 29. januar. | Foto: AP Photo/Deepak Sharma

I Belarus (tidlegare Kviterussland) har det vore valg. Her ser du valkommisjonen som teller stemmer, etter presidentvalet 27. januar. Ifølgje tala vann Alexander Lukashenko med 86,6% av stemmene, og sikra sinn sjuande siger. Valet får kritikk for å ikkje vera demokratisk. Ingen uavhengige observatørar fekk overvake valet, og dei få motkandidatane var nøye utvalde for ikkje å utfordre makta. Med all opposisjon anten i fengsel eller eksil, held Lukasjenko fram si 30 år lange styring, medan han avviser kritikk frå Vesten og får støtte frå Russland, Kina og Venezuela. | AP Photo/Pavel Bednyakov

16 klimaaktivistar demonstrerte utanfor Royal Courts of Justice i London 29. januar, iført ei slags grime i jern, medan dei venta på høyringa si om anke av fengselsdommar for miljøprotestar. Dei ville markere korleis strenge straffer mot fredelege demonstrantar kneblar ytringsfridomen og rettferdig klimakamp. | Foto: AP Photo/Kirsty Wigglesworth

Den israelske soldaten Agam Berger vart overgjeven frå Hamas til Røde Krossen i Gaza, etter å ha blitt halden som gissel. I handa har ho ei "gåve" frå Hamas. Bilete er teke 30. januar. | Foto: AP Photo/Mohammed Hajjar

Fordrivne palestinarar på veg heim igjen til den nordlege Gazastripa, tysdag 28. januar. Som del av våpenkvile-avtala mellom Hamas og Israel, fekk fleire tusen palestinarar reise tilbake for første gong sidan starten av den 15 månadar lange krigen. | Foto: AP Photo/Abdel Kareem Hana

Jarl Squad deltek i fakkeltoget under Junior-delen av festivalen Up Helly Aa. Det er ein eld-festival på Shetland som markerar slutten på julesesongen, der deltakarar i vikingkostyme marsjerer med faklar og set fyr på ein kopi av eit vikingskip. Festivalen, som har røter tilbake til 1800-talet, blir arrangert fleire stader, med den største prosesjonen i Lerwick der opptil tusen personar deltek. Bilete er frå Lerwick, 28. januar. | Foto: Jane Barlow/PA via AP

Opprørsgruppa M23 har teke kontroll over byen Goma i Kongo, ein viktig by med store naturressursar. Kampane har tvinga tusenvis av menneske på flukt, og sjukehusa er overfylte med skadde sivile. Konflikten kan gjere den humanitære krisa i regionen endå verre. Bilete frå 22. januar. | Foto: AP Photo/Moses Sawasawa

Soldatar frå Indias grensevakt rir på kamelar i formasjon under øvinga til den tradisjonelle Beating Retreat-seremonien i Delhi. Seremonien markerer avslutninga på feiringa av Indias nasjonaldag 27. januar. Øvinga fann stad på Raisina Hill, eit viktig område i hovudstaden. | Foto: AP Photo/Channi Anand