«Ibelin» på Oscar-liste

Norske «Ibelin» er på lista over dokumentarfilmar som er kvalifiserte til vurdering av Oscar-akademiet i kategorien beste dokumentarfilm.

«Ibelin» er blant dei 169 kvalifiserte filmane for neste års utdeling, melder TV 2.

I første omgang er det snakk om ein plass på den såkalla kortlista til å bli nominert. Tre kortlister blir kunngjorde 17. desember. Seinare blir listene kutta ned til fem filmar som skal kjempe om ein Oscar-pris.

Dokumentaren tek for seg livet til gamaren «Ibelin» Mads Steen, som døydde av ein muskelsjukdom berre 25 år gammal. Foreldra trudde heile tida at sonen levde eit einsam liv, men etter at han døydde kom det fram at han hadde mange venner i spelverda gjennom spelet «World of Warcraft».

Dokumentaren vart sleppt på strøymetenesta Netflix i slutten av oktober.

Også den norske dokumentarfilmen «Ukjent landskap» står på lista.

Oscar-prisane blir delte ut søndag 2. mars.