Generasjon Utøya kåra til beste norske dokumentarfilm
Filmen stakk av med sigeren i det norske konkurranseprogrammet under filmfestivalen Human.
Denne artikkelen er eldre enn 1 år gamal. Det betyr at noko av informasjonen kan vere utdatert.
– Sjeldan har me sett ein meir nødvendig film, med så sterke, sårbare og imponerande hovudpersonar, skriv juryen i si grunngjeving.
I helga gjekk ein digital versjon av Human internasjonale filmfestival av stabelen.
Dokumentarfilmen Generasjon Utøya regissert av Aslaug Holm og Sigve Endresen vann kategorien for beste norske dokumentarfilm.
Varaordførar i Oslo Kamzy Gunaratnam bidreg i filmen «Generasjon Utøya». Foto: Fenris Film
Fire unge kvinner fortel
I filmen fortel fire AUF-arar som overlevde terroren på Utøya om dei traumatiske opplevingane og kampen vidare.
Kvinnene som fortel er tidlegare AUF-leiar Ina Libak, varaordførar i Oslo Kamzy Gunaratnam, Line Hoem og Renate Tårnes.
Juryen meiner vinnarfilmen fangar tida me lever i og balanserer hårfint mellom smerte og håp. Filmen får ros for det visuelle utrykket, samt at han tek opp viktige tema i samtidsdebatten utan å vera bombastisk.
– Han viser tydeleg konsekvensane av hatefulle ytringar, og at kampen mot høgreekstremismen i Noreg ikkje er vunnen. Kvart ord tel. Me kan ikkje ta demokratiet for gitt, avsluttar juryen.
Filmen Alt det jeg er av Tone Grøttjord-Glenne, der 18 år gamle Emilie fortel om ein barndom med overgrep, fekk heidarleg omtale i same kategori.
Les også filmmelding av Greta: Held fokus, sjølv om det er heseblesande
16 år gamle Greta Thunberg på den 15 dagar lange seglturen frå Europa til New York, som er ei viktig ramme rundt filmen. Foto: HULU
